Short moral story in Hindi:- jai

Ek 24 saal ka larka train me apne papa ke sath baitha tha , achanak khidki (window) ke bahar dekhkar wo jor se chillaya "papa ,dekho......sare ped (tree) peeche bhag rahe hai" uske papa ne use pyar se dekha aur mushkura diya.


Bagal ki seat par Jo log baithe the unhe ek jawan larke ki ye bachkana wyavhaar bada ajeeb laga . Unme se ek se raha nahi gaya aur usne us larke ke papa se poocha , " aapke bete ke pass kya mansik Roop se kam akal hai ?  Aap ise ache docter KO dikhate kyu nahi..?"

Us larke ke papa ne jawab diya " haa, main abhi-abhi ese chennai me sankar netralay se dikha kar he la raha hu. Waha iski aankh ka operation hua hai aur iski aankho ki roshni 20 saal bad vapas aayi hai Jo bachpan me ek chot lagne se chali gai thi, aaj wo duniya KO fir se dekh sakta hai."

Es small story ka massage ye hai ki: kisi KO dekhkar bina hakikat Jane comment mat Karo, har kisi ki apni ek story hai ,use pahle jano! Ho sakta hai ki tumhari aankho ke samne pada parda bhi hat jaye. Aur tumhe bhi sachai pata chal Jaye to tum aashcharya chakit rah jao!